Audiencia di rumannan Menendez lo tuma luga na maart di 2027

(TMZ) – Erik y Lyle Menendez lo haya otro oportunidad pa yega na libertad mas trempan cu loke a anticipa, cu California Board of Parole otorgando e rumannan un audiencia pa posibel libertad trempan, cu fecha tentativo pa maart 2027.

E rumannan anteriormente tabata por aplica pa otro audiencia na augustus di 2028, y e decision awo ta trece e oportunidad aki mas cerca cu 1 aña.

Erik y Lyle a bolbe haya sentencia despues di anteriormente ricibi un sentencia di cadena perpetua sin e posibilidad di libertad pa e asesinato di nan mayor Jose y Kitty Menendez na 1989. Bao California su proceso di libertad, cierto factor por ta considera ora di determina si un prisonero su proximo audiencia mester keda adelanta of no.

E rumannan su famia ta celebrando e decision, bisando den un declaracion “pa casi 40 aña, Erik y Lyle a traha duro pa tuma responsabilidad pa nan accion, confronta y sana e abuso y trauma inimaginabel cu nan a sufri, crece como individuo y dedica nan mes na sirbi otronan.”

E famia ta señala na nan trabao den prison, yudando establece un programa y creando Green Space. Nan ta bisa e esfuersonan aki a yuda nan construi un ambiente cu ta recorda hende cu ta cumpliendo sentencia di cadena perpetua cu “nan bida tin balor ainda.”

E rumannan su sentencia tambe a permiti nan imagina un futuro unda Erik y Lyle un biaha mas por forma parti di nan bida diario, segun e famia.. agregando cu “tempo hunto ta algo cu ningun di nos ta mira mane kico cu ta.”

E famia ta bisa cu e decision aki ta causa “hopi felicidad” mientras nan ta bay un paso mas cerca na un futuro cu Erik y Lyle cu antes tabata parce imposibel. Nan ta bisa cu nan ta “increiblemente orguyoso” di e personanan cu nan a bira” y ta “profundamente gradici na Parole Board pa reconoce nan esfuerso y permiti nan adelanta nan audiencia pa libertad.”

E audiencia na maart lo determina si e rumannan ta adecua pa libertad, sinembargo, e adelanto aki mes no ta garantisa nan liberacion. Ambos ruman homber su libertad a keda rechasa na augustus di 2025, lunanan despues cu nan a ricibi sentencia nobo.