KONICA MINOLTA DIGITAL CAMERA

Banco di Seguro Social (SVb) a duna un prolongacion di un luna mas di periodo di gracia na e doñonan di trabou pa registra nan trahadonan prome cu nan ta bin cu e aplicacion di e boet administrativo.

Segun director di e instituto aki Edwin Jacobs, nan tin e indicacion tin necesidad ainda pa prolonga e periodo aki pa proteccion di mas trahado. “P’esey nos ta kere cu tin un necesidad pa brinda un espacio un biaha mas na e doño di trabou pa cumpli cu esaki.” Di e forma aki nan ta brinda e posibilidad pa e trahadonan por traha cu proteccion.

E cantidad di doño di trabou cu a registra aña pasa cerca SVb, nan tabata mas cu 200 doño di trabou nobo cu no tabata registra a haya caminda pa hacie cerca e instituto aki. E aña aki ya e cifra ta pasando 50 doño di trabou nobo cu a registra caba. Si reapertura di e refineria por a hunga un rol den e aumento di registracion di compania nobo no ta un echo. Pero si economia por hunga un rol e aña aki, pero “ainda nos no ta wak un desaroyo asina grandi cu por traduci’e den e cifra di trahadonan cu a bay registra cerca nan”.

E ta haya mas bien cu e ta parti di incumplimento cu despues cu a bin cu e reforma pa reenforsa di e ley di malesa y accidente e doño di trabou ta bin realisa cu mester cumpli cu SVB.