(TMZ) – Austin McBroom a domina e pista riba diasabra anochi durante e pelea cu Bryce Hall, sinembargo no a keda cla si e perdedo lo mester paga un miyon dollar.
E evento cu nombra “Yotubers vs TikTokers” tabata un evento unda cu celebridadnan di rednan social lo bringa contra otro den un competencia di boxing, den e caso aki celebridad nan di Youtube contra celebridadnan di e aplicacion cu recientemente ta generando hopi atencion, TikTok. E evento aki ta un prueba mas cu e evento nan di boxing relaciona cu rednan social ta birando un di e eventonan mas popular den e deporte di combate, mirando cu e evento aki ta bin despues di e pelea recien di Logan Paul contra Floyd Mayweather, y tambe a genera miyones di den ganancia.
Austin, ken tabata representa Youtubers a domina e pelea for di comienso pushando Bryce Hall, ken tabata representando TikTokers, di un banda di ring pa otro. Bryce a mustra completamente derota den e di 3 ronda, unda cu e referee a para e pelea y a cuminsa un conteo te cu 8 pa asina confirma cu Bryce Hall por continua e pelea, cual Bryce Hall a haci pa 10 seconde mas prome un combinacion di golpi feros di parti di Austin contra Bryce, dunando e referee motibo suficiente pa para e pelea y declara un ganado.
E pelea no a caba cu un knockout, y ta aki unda e problema ta situa. E trato tabata cu e perdedo lo paga esun cu gana 1 miyon dollar si e perde pa motibo di knockout cual tecnicamente Austin no a logra haci cu Bryce Hall, lagando e trato aki den aire.
Bryce Hall a comenta cu el a gana 5 miyon dollar pa e pelea. No a revela cuanto Austin a gana pero ta asumi cu e ta rond di e cifra aki.
Mientras cu hopi a pensa esaki lo ta otro evento di rednan social cu boxing menos impresionante, e evento tabata uno cu a entretene hopi persona, cu hopi accion brinda pa diferente competidonan representando e Youtubers y Tiktokers.
