(AP) – Rapper Takeoff a fayece di heridanan fatal sufri den su cabes y pecho, despues di un tiroteo pafo di un fiesta priva na Houston Bowling, autoridadnan a anuncia diaranson.
E anuncio oficial, cual a bini despues di un autopsia conduci pa Harris County Institute of Forensic Sciences na Houston, ta bini mientras cu cuerpo policial te ainda ta busca e publico su ayudo den yega na e person of personanan cu ta responsabel pa e rapper su fayecimento.
Takeoff su causa primario di morto a ser declaracomo “heridanan cu a penetra su cabes y su pecho direccion pa su man” y reportando e manera den cual el a muri como un asesinato.
Takeoff, ken su nomber real tabata Kirsnick Khari Ball, ta forma parti di e trio popular Migos, conhuntamente cu su tio Quavo y su primo Offset di suburban Atlanta. E rapper di 28 aña di edad a fayece rond di 2am riba diamars ora cu a los tiro pafo di Houston Bowling despues di un fiesta priva.
Investigadornan ta buscando manera pa papia cu e 40 personanan cu a atende e fiesta y a core bay despues di e tiroteo, Houston Police su hefe Troy Finner a bisa. Por lo menos dos persona a los tiro, segun Finner. Dos otronan a ser herida pa e tironan pero tabatin herida cu no ta menasa nan bida y a ser transporta hospital den vehiculonan priva.
Finner a bisa cu Takeoff tabata bon respeta y cu “no tin motibo pa kere cu e tabata involucra den nada criminal na e momento ey.”
Migos su agencia, Quality Control, a drenta luto cu un publicacion riba Instagram,. E declaracion a expresa cu “violencia sin sentido a tuma otro bida for di e mundo y nos ta debasta.”
