FILE - Colombian Nobel Literature laureate Gabriel Garcia Marquez greets fans and reporters outside his home on his 87th birthday in Mexico City, March 6, 2014. It was reported Sunday Jan. 16, 2022 that the late Garcia Marquez had a daughter out of wedlock in Mexico. (AP Photo/Eduardo Verdugo, File)

(AP) — Durante decadas, famoso autor Colombiano, Gabriel Garcia Marquez a sconde for di publico un aspecto intimo di su bida: e tabatin un yiu muher cu un escritor Mexicano, cu ken e tabatin un relacion extramarital den añanan 1990.

E secreto a keda publica pa corant Colombiano, El Universal riba diadomingo y confirma pa AP door di dos familiar di e autor ganador di Premio Nobel, kende ta famoso pa novelanan manera Cien Años de soledad y Amor en los Tiempos del Colera.

García Márquez a fayece na Ciudad de Mexico na 2014, unda miles di su lectornan a forma rij pa mira su caha den un sala di concierto. E tabata casa pa mas di cinco decada cu Mercedes Barcha y e pareha tabatin dos yiu yama Rodrigo y Gonzalo. Nan a biba mayoria di nan bida na Ciudad de Mexico.

El Universal a bisa cu na comienso di añanan 1990, Garcia Marquez a haya yiu cu Susana Cato, un escritor y periodista kende a traha cu Garcia Marquez riba dos guion di pelicula y kende tambe a entrevist’e pa un storia den revista na 1996. Cato y Garcia Marquez a yama nan yiu muhe Indira. Awo e ta den su 30nan aña di edad y ta usa fam di su mama.

Shani García Márquez, sobrina di e escritor, a bisa AP cu pa añas e sa di su prima Indira, pero no a mencion’e na medionan di comunicacion pasobra su mayornan semper a pidie pa ta discreto tocante bida personal di su omo.

Gabriel Eligio Torres García, kende tambe ta sobrino di e escritor Colombiano, ta den contacto cu Indira Cato riba rednan social maske nan nunca a topa en persona. “Mi primonan Rodrigo y Gonzalo a bisa mi di dje casualmente durante un reunion”, el a bisa.

Otro miembronan di famia di Garcia Marquez, cita pa El Universal, a bisa cu nan no a papia tocante yiu di e escritor anteriormente pa ‘respet’ pa Mercedes Barcha, kende a fayece na augustus 2020. Torres Garcia a bisa cu mama di Indira Cato, Susana, tambe tabata discreto tocante lineahe di su yiu, pa tene fuera di luz di medionan di comunicacion.

Indira Cato awo ta productor di documental na Ciudad de Mexico. El a gana varios premio pa un documental na 2014 tocante migrantenan pasando door di Mexico.

Famia di Garcia Marquez a bisa cu nan no tabata kier comparti nan informacion di contacto pasobra nan no tabata autorisa pa hacie, y AP no por a tuma contacto cu Indira Cato independientemente. “E tin un bida hopi artistico, manera hopi den e famia aki”, segun Shani Garcia. “Ta haci nos hopi feliz cu el a briya riba su mes.”

LEAVE A REPLY

Please enter your comment!
Please enter your name here