Autoridad di Panama a libera 12 muhe cu tabata victima di explotacion sexual

(El Nacional).- Un tribunal di Panama a acusa un Venezolano di delito di abuso sexual, pa su relacion cu un caso di extorsion y abuso, riba un grupo di muhe Venezolano y Colombiano, fiscalia a informa.

E homber a wordo identifica como Don José, y el a  wordo deteni diabierna ultimo, ora cu autoridadnan, a rescata mas di 11 muhe di nacionalidad Venezolano y Colombiano cu tabata bibando un caso di abuso sexual for di un hotel.

Diasabra ultimo, hues Elkys Martínez  a legalisa e caso durante un audiencia, caminda fiscalia a acusa e suheto aki di e delito manera ladronicia, secuestro, extorsion y abuso sexual. El a ordena e detencion provisional di e suheto,  durante e 6 prome luna di e proceso, cu  normalmente ta e tempo cu autoridad hudicial tin pa traha riba nan investigacion.

Fiscalia a splica riba un comunido cu suheto aki tabata obliga e grupo di muhe aki pa mantene relacion sexual cu ne, ora cu e tabatin nan aisla, sin placa y cu un menasa di maltrata nan yiunan si nan no tabata acepta su peticionnan.

El a bisa cu investigacion aki a cuminsa na luna di juni di aña 2016 na fiscalia contra delincuencia organisa.

Fiscalia a splica cu diahuebs venidero un grupo di 13 persona lo duna nan testimonio hunto 6 testigo mas cu tin proteccion riba un accion di anticipo hudicial di prueba, cu lo desaroya na porta cera. E decision di fiscalia aki ta purba di no daña ningun derecho humano di tur nan victima.

 

You May Also Like

Argentina tin tres biaha mas prizon pero no ta suficiente

Argentina tin cada bes mas preso, pero no ta parce suficiente. Cada crimen tin ...

Otro temblor di magnitud 7.1 na mexico riba aniversario di temblor di 1985

Un temblor di magnitud 7.1 a dal central di Mexico riba diamars, destruyendo algun ...

Brasil: Colombia y Brasil ta uni esfuerso pa atende refugiado Venezolano

(ElNacional) – Brasil y Colombia a anuncia diaranson pasa cu nan lo fortifica e ...

Dilma Roussef: Brasil ingobernabel si Lula no por ta candidato presidencial

Ex-presidente Dilma Rousseff a declara cu e ta considera cu Brasil lo ta ingobernabel si husticia declara ...

Merca ta suspende emision di visa na Cuba

Merca lo retira e mayor parti di personal di su embahada na La Habana, ...

Brasil: Cantidad di morto a aumenta na 99 y 259 persona desapareci

En number di morto despues di e catastrofe minero di diabierna pasa na Brasil ...