Segun datonan delinea den e resumen diario di Departamento di Salubridad Publico, DVG, riba e desaroyonan di pandemia di Covid-19 na Aruba, e averahe semanal durante ultimo siete dia tabata di 17 caso nobo pa dia.

Igualmente DVG a informa cu e averahe di tasa di positividad semanal ta 11 porciento pa dia.

Segun DVG su resumen di ayera, 23 persona a recupera, mientras cu a registra un total di 12 caso nobo di Covid-19 na Aruba, di cual dos no ta residente. E cifranan aki ta representa un tasa di positividad entre nos residentenan di 13 porciento.

E cantidad di caso activo ayera tabata 172, y e cantidad di fayecido relaciona cu Covid-19 ta 174.

DVG tambe a informa cu actualmente na Aruba tin 7 persona hospitalisa debi na Covid. Di esakinan, tres ta den Unidad di Cuido Intensivo (ICU) y e otro cuatro ta isola riba piso general.
Ademas na Colombia actualmente tin siete pashent di Aruba interna den ICU, y otro tres hospitalisa riba piso general.

 

LEAVE A REPLY

Please enter your comment!
Please enter your name here