(DeTelegraaf) – Sydney Sweeney ta bao candela pa un wega di palabra usa den un propaganda pa e marca di paña American Eagle. E aviso, cu ta conta cu e actriz ta usa e slogan “Sydney Sweeney Tin Bon Jeans,” cu tambe por referi na su “genenan bon” (na Ingles “good genes”). E wega di palabra a ser critica ampliamente riba rednan social, specialmente debi na e parti di aviso den cual e actriz ta papia di su gene “genes” cu el a haya di su mayornan.
Criticonan ta alega cu e campaña tin subtono racista pasobra supuestamente e ta celebra “idealnan di beyesa blanco.” “Kisas mi ta mucho woke, pero tuma un muher blond, cu wowo blauw, blanco y enfoca bo campaña riba su genenan perfecto ta sinti straño…” un di e hopi comentarionan ta bisa riba e anuncio. Otronan ta yama e campaña “straño” y “altamente problematico,” cu algun ta expresa sorpresa cu e escogencia di palabra a ser aproba internamente.
Segun informe, e campaña di Sweeney ta esun mas caro di e compania te cu awor. American Eagle no a responde ainda riba e reaccionnan negativo.
