Autoridadnan ta bisa cu e burico baby, cu a wordo haya herida y su so riba un caminda na sur di California, lo recupera.
E Departamento di Servicio Animal di Riverside County a bisa cu e criatura chikito tabatin apenas un of dos dia di bida ora cu un residente a mir’e diaranson riba un caminda cerca di cas di e persona den sur di San Bernardino.
Southern California News Group a reporta cu no a haya señal di e mama of un grupo na cual e burico por a pertenece, pues e residentenan a yama servicio animal.
Oficialnan a bisa cu e herida di e chikitin por a wordo causa pa waya riba un heki, cual por a separ’e for di su mama.
Ora e ta saludabel y grandi suficiente, lo pone e burico pa adopcion.
A pesar di e crecemento di ciudadnan na sur di California, burico salvahe ainda ta core rond e mondi 100km oost di Los Angeles.
