Bad Bunny y Daddy Yankee a triunfa den e Billboard Latin Music Awards diaranson, bayendo cu shete trofeo cada un den e show retrasa pa e pandemia.

Bad Bunny a gana artista di aña, e maximo honor di e anochi,c omo tambe miho album Latino pa ‘X 100PRE’, y compositor di aña. E no tabata presente na e ceremonia.

Daddy Yankee a gana seis di su premionan pa su hit ‘Con Calma’, cual a conta cu participacion di artista di añanan 1990, Snow. Su honornan a inclui e premio pa cantica Latino hot, y honor di cantica di aña pa streaming y airplay y plataforma digital.

E strea di reggeaton a dedica e prome di su premionan na esnan cu a perde sernan keri pa motibo di Covid-19, e malesa causa pa coronavirus. “Musica ta keda remedi”, el a bisa.

Actriz Gaby Espino tabata anfitrion di e ceremonia, cual a ser transmiti en bibo riba Telemundo for di e Centro BB&T na Sunrise, Florida. E evento tabatin un tapijt cora pero sin audiencia.

Cantante di romance Mexicano, Armando Manzanero a ricibi un Lifetime Achievement Award durante e ceremonia.

Tambe a reconoce Daddy Yankee y Luis Fonsi pa ‘Despacito’, cual a ser nombra cantica di e decada.

LEAVE A REPLY

Please enter your comment!
Please enter your name here