Bad Bunny ta canta solamente den Spaño y a colabora cu menos di un manyen di artistanan popular di habla Ingles. Y sinembargo, e ta e artista cu mas streams di Spotify na 2020, cu 8.3 biyon stream, y su album YHLQMDLG ta e album cu mas streams globalmente riba e servicio, cu mas di 3.3 biyon stream.

Tras di Bad Bunny pa 2020 ta Drake, mientras otro artista Latino, J Balvin a yega na No. 3, sigui pa e rapper fayecido Juice WRLD y The Weeknd.

Ta dificil pa exagera e importancia di e logro di Bad Bunny. Musica Latino ta cada bes mas visible mundialmente, colaboracionnan di perfil halto entre actonan Latino y No-Latino a aparece durante henter e aña, y nombernan Latino regularmente ta top den clasificacionnan global di YouTube. Riba Spotify, J Balvin a keda den cumpre di e top-5 artista cu mas streams riba e servicio desde 2018.

Pero e logro di Bad Bunny ta marca e prome biaha cu un artista cu nunca a canta den Ingles ta number un riba e lista di fin di aña.

Riba e lista di album top mundial, YHLQMDLG di Bad Bunny ta sigui pa After Hours di The Weeknd, Hollywood’s Bleeding di Post Malone, Fine Line di Harry Styles, y Future Nostalgia di Dua Lipa.

Pa loke ta cantica, The Weeknd a logra un reinvindicacion despues di su shoutout na e Grammys; su ‘Blinding Lights’ ta e cantica cu mas streams na 2020 globalmente riba Spotify cu casi 1.6 biyon stream. Sigui pa Tones and I su ‘Dance Monkey’, y ‘The Box’ di Roddy Ricch.

Y pa segundo aña consecutivo, Billie Eilish ta e artista femenino cu mayor cantidad di streams riba e plataforma globalmente, sigui pa Taylor Swift, Ariana Grande, Dua Lipa y Halsey. Entre podcasts, un di e areanan di crecemento mas grandi di Spotify, e podcast mas popular globalmente ta e controversial The Joe Rogan Experience, sigui pa TED Talks Daily y The Daily.

LEAVE A REPLY

Please enter your comment!
Please enter your name here