Defensa Mitchel Bakker tabatin mester di apenas un minuut pa impresiona den su prome start pa Paris Saint-Germain, unda su pase a conduci na un auto gol den un victoria 6-1 na Dijon ayera den cuart final di Cup Frances.

E Hulandes di 19 aña di edad a pasa a traves di e teamnan junior prestigioso di Ajax, y ta hunga como un left back cu mente di atake. El a haci apenas un presentacion substituto pa PSG prome cu e wega aki.

Pero el a probecha su oportunidad, coriendo bou di e hala y a dal un pase firme den direccion di delantero Edinson Cavani, cual defensa di Dijon, Wesley Lautoa a manda den su propio net.

Delantero Kylian Mbappe, centrocampista Thiago Silva y winger Pablo Sarabia –dos biaha – tambe a anota pa PSG, cu otro autogol di Dijon di defensa Senou Coulibaly.

Bakker tabata involucra den e prome anotacion di Sarabia, cu delantero Mounir Chouiar anotando pa Dijon pa hacie 1-1.

PSG a uni titular di e Cup, Rennes den e ultimo cuatro.

Rennes, cu a derota PSG den e final aña pasa, a avansa diamars.

LEAVE A REPLY

Please enter your comment!
Please enter your name here