(NLTimes) – Haaglanden Food Bank ta kedando sin cuminda. “Nos ta ricibiendo cada biaha menos y menos cuminda mientras mas y mas persona ta registrando pa ayudo,” vice presidente Henk Baars a bisa Omroep West. E banco di cuminda urgentemente tin necesidad di pasta, aros y vegetal den bleki.

Haaglanden Food Bank a distirbui mas o menos 4,000 parcel semanal na residentenan di Den Haag, Rijswijk y Zoetermeer cu ta enfrentando problema pa cubri nan gastonan y necesidadnan.

Awo cu e prijsnan halto tin tur hende den problema financiero, mas persona ta registrando cu e banco di cuminda, sinembargo e donacionnan ta cabando. Companinan cada biaha ta birando mas economico cu nan producto, cual ta nifica cu tin menos resto pa e banconan di cuminda. “Esaki ta e motibo dicon nos ta haciendo un apelacion pa ayudo awo. No benta otro kilogram afo, duna nos,” Baars a bisa na e noticiero.

Den Haag su consehero di ciudad Janneke Holman di PvdA y Lenne Baboeram di GroenLinks a pidi e alcalde pa explicitamente brinda sosten a e banco di cuminda. Tambe nan a lansa un recaudacion di fondo pa esaki y “di e manera aki, nos por cuminsa tuma accion,” Baboeram a bisa.

LEAVE A REPLY

Please enter your comment!
Please enter your name here