Barco perdi for di Aruba rumbo Colombia a wordo haya

Un bon noticia pa habri fin di siman. E barco cu a sali for di Aruba rumbo pa parti noord di Guajira (Colombia)  a  wordo haya. E tabatin casi un siman  perdi caba, pero coastguards di Colombia a descubri e barco Maria Esther, na 200 miya  dilanti for di  e costanan di Santa Marta, Colombia. E barco a perde tur sorto di comunicacion cu e tripulacion. Tabatin 8 persona abordo y aparentemente nan tur ta bon; pero sin cuminda.

Ainda autoridad maritimo di Colombia ta trahando riba nan rescate. Hopi esfuerzo a wordo haci den nos region  pa localisa e barco carga cu mercancia cumpra na Aruba. Te hasta Centro di Rescate di Corsou a plama un mensahe di alerta, y tur barco  den besindario a wordo poni na haltura pa asina tira un bista pa rescata sano y salbo e tripulacion di e barco Venezolano, Maria Esther. Finalmente e barco a wordo haya  lo cual ta pone tentativamente un punto final y feliz na e noticia aki.

You May Also Like

Brasil: Mas di 90 prisonero a huy via tunnel di un prizon

Diahuebs mas di 90 prisonero di estado di Rio Grande di Norte, Brasil, a ...

Diputado opositor di Venezuela a keda herida durante protesta

Dialuna diputado di oposicion Juan Requesens, a keda herida durante un protesta di parlamentarionan, ...

Polis a detene ex-hefe di seguridad di Pinochet pa tortura

Coronel pensiona Cristian Labbé, ex-alcalde y ex-ministro di presidente y dictador di Chile Augusto ...

Surplus comercial di Brasil a keda na mas di US$ 62 biyon pa e aña

(G-1/OGlobo) – E balansa comercial Brasileño a registra un surplus di  US$ 3,54 biyon ...

Puerto Rico preparando pa horcan Irma

Gobernador di Puerto Rico, Ricardo Rosselló, a declara estado di emergencia pa motibo di ...