Barco Sampson ta un berdadero Sanson riba lama

E barco Sampson mara riba nos waf ta haci honor na e personahe Sanson di bijbel. E ta un crane ship cu un structura solido y fuerte.

Nautical Manager di APA (Aruba Ports Authority), Irvin Gil a declara na Bon Dia Aruba cu e tin alrededor di 22 aña na servicio di APA, y esaki ta e prome biaha cu e ta wak un barco cu e caracteristica aki riba nos waf. E ta un barco di bandera Panameño cu a ta hala basta atencion y fei cu Sampson a drenta nos waf, APA ta bin hayando cantidad di yamada di hendenan interesa pa sa mas riba e barco aki.

Sr. Gil a bisa cu e barco aki supuestamente mester bay Corsou. Pero ora cu e barco tabata yegando na e isla ruman aki, nan a ripara cu e grua abordo no por pasa abou di e brug Reina Juliana. E ta un barco di 180 meter y e tin un grua di 70 meter halto, e ta mucho halto pa pasa abou di e brug.

E ora nan a dicidi pa medio di nan agencia Caribbean Port pa check si ta posibel pa nan bin Aruba. Pero tambe si tabatin luga disponibel riba nos waf. Ta asina cu e barco aki a wordo mara den e area di ex waf di container. E ta un bon noticia pa nos isla ya cu e ta genera entrada cerca e partnernan cu tin di haber cu e sector aki.

Nan ta hopi contento cu nan ta na Aruba.” Tanto asina cu ya caba nan ta considera Aruba como un waf di yegada ora cu nan ta pasa otro biaha den nos region. Sr. Gil a bisa cu si Corsou no por tuma nan, nos si ‘ta tum’e cu brasa habri’.

E barco mester di algun reparacion riba su generator na Corsou, pero mirando cu esaki no tabata posibel, nan a bin haci e reparacion na Aruba. E tabatin plania pa keda 12 dia pa haci tur e reparacionnan. Pero mirando cu e ta un barco grandi ta dura por lo menos 7 dia pa nan saca e generator so. Sr. Gil a bisa mirando cu e trabou aki ta bay dura hopi, nan a dicidi di bay Mexico. Pues den cualkier momento Sampson ta bandona nos isla rumbo Centro America.

You May Also Like

5P3A9127.JPG

8 dama ilegal deteni na Dennis Bar Hooiberg

Diahuebs anochi Guarda nos Costa a bishita Dennis Bar situa na Hooiberg como sorpresa ...

Alcohol ta aumenta e posibilidad pa haya cancer di pecho

Recientemente Wereld Kanker Onderzoeks Fonds (WKOF) a haci un investigacion, cu ta prueba cu ...

Panama Papers

Ministerio Publico riba Panama Papers: no sa ainda si tin compania local sospecha

Ministerio Publico (OM) ta na haltura di Panama Papers, su vocero Ann Angela ta ...

Schwengle.jpg

‘Departamento di Higiena mester planta respet pero no negativo’

Minister Alex Schwengle a destaca e trabou y balor pa salud publico di e ...

Señor Frog’s (1).JPG

Trahadonan di Señor Frog’s tin miedo cu nan lo keda sin pago si bati bancarota

– Empleadonan di Señor Frogs ainda ta den incertidumbre pa loke ta nan futuro. ...

Cardiologo pashent AZv colombia.jpg

Mayoria di pashent cu nan ta ricibi di Aruba ta di riesgo halto

Cardiologo,  Dr. Antonio Figueredo tabata un di e oradonan invita durante e di cuater ...