(AP)—CC Sabathia ta preparando pa tuma e corona otro aña na mei, cinco aña despues di su retiro, pa picha den un homenahe pa e Negro Leagues All-Star Game na e Hall of Fame di Doubleday Field na Cooperstown, New York.
“Mi carera a caba cu ami kibrando schouder cu a resulta cu mi no por a tira un bala mas, pero mi ta rehabilitando mi mes pa por bin back y picha un inning den e wega aki.” Segun Sabathia a bisa diamars durante un conferencia di prensa.
Ken Griffey Jr. y Ozzie Smith tambe a dicidi pa maneha of coach na e Hall of Fame East-West Classic dia 25 di mei 2024. Esaki lo ser hunga hunto cu e apertura di e exhibicion yama “Souls of the Game: Voices of Black Baseball”.
E Negro Leagues East-West All-Star Game a cuminsa na Comiskey Park na Chicago na september 1933, dos luna despues di e prome wega All-Star di MLB den e mesun parke, y a ser hunga anualmente te 1962. Jerry y Scott Hairston, di ken nan welo Sam a hunga pa e Cincinnati and Indianapolis Clowns den e Negro American League, ta entre e hungadonan cu a bisa nan lo participa. Otronan ta inclui Ryan Howard, Ryan Howard, Prince Fielder, David Price, B.J. y Justin Upton, Curtis Granderson, Dontrelle Willis, Adam Jones, Dexter Fowler, LaTroy Hawkins y Edwin Jackson.
37 di 343 hende den e hall tabatin careranan mayormente of completamente den e Negro Leagues, incluyendo Buck O’Neil, Satchel Paige, Josh Gibson, Monte Irvin y Cool Papa Bell.
“E storianan a ser conta y nos ta pensa cu nos sa e storianan pero mas nos busca, mas nos ta haya cu hopi no ta conoci,” segun Dave Stewart, cuatro biaha ganado di binti wega. Major League Baseball a reconoce shete Negro Leagues for di 1920-48 cu status grandi di liga, pero pa incorpora e numbernan no a ser completa ainda.
