(AP) — Matt Cameron, baterista di Pearl Jam, a anuncia dialuna cu e ta sali for di e banda despues di casi 30 aña.
Cameron, ken tin 62 aña, a anuncia su salida den un publicacion riba red social. “Despues di 27 aña fantastico, mi a tuma mi ultimo bahada for di e plataforma di bateria pa e gran Pearl Jam,” Cameron a skirbi. “Mucho amor y respet pa Jeff, Ed, Mike y Stone pa invita mi den e banda den 1998 y pa duna mi e oportunidad di bida, yena cu amistad, arte, reto y risa.”
Cameron no a duna motibo pa su salida.
“Matt Cameron ta un musico unico y berdaderamente poderoso. El a haci gran influencia e ultimo 27 aña di shownan y grabacionnan di Pearl Jam. Esaki tabata un capitulo hopi importante pa nos grupo y nos ta dese’e tur tipo di exito,” segun un comunicado di e miembronan di Pearl Jam publica riba e cuenta di red social di e banda.
Nan no a menciona nada tocante un reemplaso.
Cameron, ken tabata baterista pa Soundgarden pa mas di un decada prome cu el a uni cu Pearl Jam, no tabata un miembro fundador di e banda y no a tuma parti den e albumnan original cu a haci nan rock superstars.
Pero el a trece un stabilidad necesario pa e grupo a mira cuater otro bateristanan desde cu nan a cuminsa. El a uni na Pearl Jam den 1998 como reemplaso temporal pa Jack Irons, tocando den un tour largo prome cu el a graba su prome album den studio cu e banda, ‘Binaural’ na 2000.
Recientemente, el a finalisa un gira mundial di un aña hunto cu e banda pa promove e di 12 studio album di Pearl Jam, Dark Matter.
Cameron a nace y crece na San Diego prome cu el a muda pa Seattle poco prome cu e movecion musical di e ciudad a bira un fenomeno mundial. El a toca den e banda proto-grunge Skin Yard prome cu el a yega na Soundgarden. Entre 2010 te 2017, el a toca pa e dos bandanan simultaneamente: Pearl Jam y un Soundgarden cu reuni atrobe.
