FILE - In this Thursday, Sept. 27, 2018 file photo, an elderly couple walks past the Berlaymont building, the European Commission headquarters, in Brussels. Research released on Sunday, July 14, 2019 suggests that a healthy lifestyle can cut the risk of developing Alzheimer's even if you've inherited genes that raise your risk for the mind-destroying disease. (AP Photo/Francisco Seco, File)

Un estilo di bida saludabel por reduci riesgo di desaroya malesa di Alzheimer’s y otro forma di demencia, hasta si tin gen cu ta aumenta riesgo pa e malesanan destructor di mente aki, segun un estudio grandi a descubri.

Hende cu riesgo genetico halto y mal habito di salud tabatin chens tres biaha mas halto pa desaroya demencia compara cu persona cu riesgo genetico abou y bon habito, e investigadonan a reporta ayera. Sin importa cuanto riesgo genetico un persona tabatin, un bon dieet, ehercicio adecua, limita alcohol y keda sin huma a haci demencia menos probabel.

“Mi ta considera esaki bon noticia”, segun John Haaga, di e US National Institute on Aging, un di e sponsornan principal di e estudio. “Niun persona por garantisa cu bo lo scapa e malesa aki”, pero por afecta chens na bo fabor cu un estilo di bida limpi, el a bisa.

A discuti e resultadonan na e conferencia di Asociacion Internacional di Alzheimer’s na Los Angeles, y a publica esaki online den e Journal of the American Medical Association.

Como 50 miyon persona tin demencia, y Alzheimer’s ta forma mas comun. Genetica y estilo di bida ta contribui na hopi malesa, pero investigadonan apenas recientemente a haya e hermentnan y informacion pa haci estudionan grandi pa mira con hopi cada factor ta afecta.

Un estudio asina algun aña atras a haya cu un estilo di bida saludabel por yuda contraresta riesgo genetico pa malesa cardiaco. Awo investigadonan a demostra mescos pa demencia.

Dr. Elzbieta Kuzma y su coleganan na Universidad di Exeter Medical School na Inglatera a uza e UK Biobank pa studia casi 200,000 persona di 60+ aña di edad sin sintoma ni signo di demencia na cuminsamento. Nan riesgo genetico tabata cualifica como halto, medio of abou basa riba decenas di mutacion conoci pa afecta demencia. Tambe a agrupa nan di acuerdo cu factornan di estilo di bida.

Despues di como ocho aña di estudio, 1.8% di esunnan cu riesgo genetico halto y mal estilo di bida a desaroya demencia, compara cu 0.6% di esunnan cu riesgo genetico abou y bida saludabel.

Entre esunnan cu riesgo genetico halto, solamente 1% di esunnan cu bida saludabel a desaroya demencia, compara cu casi 2% di esunnan cu mal estilo di bida.

Un limitacion: Investigadonan tabatin informacion unicamente di mutacion afectando hende di decendencia Europeo, pues no ta conoci si esaki tambe ta conta pa otro grupo racial of etnico.

Sinembargo, e noticia ta bon pa hende cu ta teme cu genetica riba su mes por afecta nan salud. Menos di 5% di gen relaciona cu Alzheimer’s ta ‘completamente penentrante’, esta garantisa cu lo desaroya e malesa. “Esey ta nifica cu 95% di e mutacionnan, bo estilo di bida lo haci e diferencia”, segun Dr. Rudy Tanzi, un experto di genetica na Hospital General di Massachusetts. “No preocupa hopi cu genetica. Pasa mas tempo bibando un bida saludabel.”

 

LEAVE A REPLY

Please enter your comment!
Please enter your name here