(AP) — Bo ta sinti manera bo no por enfoca? Manera bo nunca lo caba di lesa un buki nunca mas? Manera e unico manera pa tene bo mente y man ocupa ta door di scroll riba rednan social pa oranan largo?

Bo ta leu di ta boso. Un cuerpo pa investigacion di decadas largo a haya cu atencion di e persona averahe pa un solo pantaya ta apenas 47 seconde, un reduccion di e 2.5 minuut na 2004. E ciclo noticiero 24/7, incertidumbre tocante estado di mundo, y cantidad di oranan di uso di pantaya no ta yuda, segun expertonan.

“Ora mi pashentnan papia cu mi tocante e cosnan aki, hopi biaha tin un sentimento di impotencia,” segun Dr. Michael Ziffra, un psikiatra na Northwestern Medicine. “Pero bo por cambia e comportamentonan aki. Bo por mehora bo atencion.”

Aki bao, algun manera pa cuminsa e proceso aki. Mientras bo ta lesa, reta bo mes pa pone un timer di 2 minuut y mey, y keda riba e articulo aki sin mira otro aparato ni click pa otro tab.

Con nos a perde enfoke?
 Un cambio di atencion ta un caracteristica evolucionario, no un eror. Nos cerebronan ta programa pa rapidamente filtra informacion y enfoca riba menasa potencial of cambio den loke ta sucediendo rond di nos.

Loke ta halando nos atencion a cambia. Pa nos ancestronan, por tabata un zonido den e matanan poniendo nos alerta cu tin un tiger cerca. Awendia, por ta un racha di alerta di noticia di ultimo ora y notificacion di celular.

Pandemia di Covid-19 a trastorna e sentido di tempo di hopi persona, y a aumenta nan uso di pantaya manera nunca antes, segun Stacey Nye, un psicologo clinico na Universidad di Wisconsin-Milwaukee.

Tecnologia no ta lo unico cu tin influencia riba nos atencion, segun expertonan, pero e efectonan di e notificacionnan aki, of oranan ta scroll door di videonan di 30 seconde, por acumula durante tempo.

“Nos atencion realmente a haya training pa enfoca solamente riba blipnan chikito, cortico, y ta interumpi nos ciclonan natural di enfoke,” el a bisa.

Duna bo mente ‘break activo’

Expertonan ta bisa cu breaknan ‘activo’ ta entre e miho manera pa re-train bo mente y bo atencion. Nan ta tuma apenas 30 minuut so, Nye a bisa, y por ta simpel manera bay cana mientras ta ripara e cosnan rond di bo, of move na otro camber pa come lunch.

No tene miedo di ta creativo. Desaroya un lista di actividadnan alternativo, of scoge ideanan random for di un bowl. Purba proyectonan manual, un mediatacion cortico, prepara un cuminda of cana pafo. Hopi mihor si bo por involucra un amigo tambe.

E break mester ta un actividad fisico of mental – no scroll pasivo riba celular.

Ora e cerebro ta sub-stimula y buscando cambio, usualmente e lo gara e prome cos cu e mira. E smartphone, un “mashin produciendo eternamente,” ta un opcion atractivo, segun Cindy Lustig, un neurocientifico cognitivo na Universidad di Michigan.

Kita notificacionnan innecesario y saca bon probecho di e modo “do not disturb,” specialmente prome cu ora di drumi. Miho ainda, pone bo celular den un camber completamente diferente, Lustig a bisa.

Bisa no na mulitasking

Multitasking por pone bo sinti manera bo ta haciendo mas, pero expertonan di cerebro ta recomenda pa no hacie.

“Ta un persona cu ta haci un solo tarea alabes,” Nye a bisa. “Traha riba un cos cada biaha, pa un periodo specifico di tempo, y cuminsa aumenta e tempo.”

Lustig ta un fanatico di e “tecnica Pomodoro,” den cual bo ta pone un timer y ta traha riba algo pa 25 of 30 minuut prome cu tuma un break di cinco minuut.

E ta bisa su mes: “Mi por haci cualkier cos pa e periodo aki di tempo,” y e mundo ta bay t’ey ainda wardando p’e na final.

Cuminsa cu algo cu bo gusta y pone un meta di berdad

No ta suficiente pa djis tin un hobby, Lustig a bisa. E ta yuda pa scoge hobby cu ta inclui practica intencional y un meta pa cual mester traha, sea ta toca guitara pa un audiencia of mehora den un sport.

E ta yuda tambe pa scoge algo di cual bo ta disfruta.

“Bo no kier cuminsa cu e non-fiction pisa of manera ‘War and Peace’”, Lustig a bisa. “Si bo mester cuminsa cu e novela di romance, e ora cuminsa cu e novela di romance. Bo por mehora despues for di esey.”

Tambe ta importante pa ta amable cu bo mes. Tur hende tin dia bon y malo, y necesidadnan di atencion ta diferente – y hasta por varia di un tarea pa otro.

E clave ta pa haci esfuerso intencional, segun expertonan ta bisa.

“Den hopi manera, e ta similar na musculo, den e sentido cu nos por construi riba dje cu practica y ehercicio,” Ziffra a bisa. “Di mesun manera, e por debilita si nos no ta haci ehercicio cune.”