Bo ta invita na e Dia di Adopcion na Fundacion Nine Lives Aruba! Diasabra awo, dia 7 di juni na e sede di e fundacion mes, Jaburibari 8B, ta bay tin un dia fabuloso yen di comienso nobo, alegria y amor!
Fundacion Nine Lives Aruba ta un fundacion cu ta dedica principalmente na rescate di pushi na Aruba. Asina nan ta traha incansablemente pa yuda tur animalito cu ta maltrata, riba caya, herida of tin mester di cuido. Durante spring, usualmente tin un cantidad di pushi ta haya baby, y esaki ta pone hopi presion riba e rescatistanan. Comunidad local por yuda door di adopta un di e animalitonan aki – ademas di ta un bon obra pa nos comunidad, bo lo disfruta di un compañerito fiel, cariñoso y dibertido!
Bin conoce e fundacion y e cantidad di pushi cu ta buscando nan hogar pa semper! Si adopta un miembro nobo pa bo famia, lo bo ricibi un goodie bag special como gradicimento pa duna un pushi cu tin mester un cas yen di amor.
Bin pa conecta y talbes hasta namora di e proximo miembro di bo famia.
