(Infobae) – Comision Inter Americano di Derechonan Humano (CIDH) a determina cu na 2009, durante gobierno di Evo Morales na Bolivia, forsanan di Estado a ehecuta extra-hudicialmente y tortura cinco miembro di un supuesto grupo arma.
Segun e rapport, CIDH a afirma cu pa evita un huicio internacional, Bolivia mester husga e personanan responsabel den teritorio Boliviano.
E caso a sucede dia 16 di april di 2009, ora un grupo di Unidad tactico di Resolucion di Crisis, grupo di Elite di Polis, a drenta na hotel Las Americas na Santa Cruz, nan a subi na e piso cuater cu nan armanan di candela y a drenta den camber di Eduardo Rózsa Flores, Arpad Magyaroisi y Michel Dwyer e cual tur di nan a muri. E mesun dia ey Elöd Tóásó y Mario Tadic a keda deteni.
“Den e file tin notanan di prensa cu ta referi cu miembronan di Fiscalia y di Polis di departamento di Santa Cruz cu no a wordo considera pasobra tur e operacion a keda den man di Ministerio di Gobierno, for di La Paz y cu nan tabatin e orden di no interveni” e rapport ta indica gobierno a duna ordo di procede, segun e comision, den un operativo sin ningun orden hudicial ni fiscal.
E rapport a wordo aproba pa CIDH dia 21 di december di 2021 y ta firma pa e presidente na e momento ey Antonia Urrejola (canciller actual di Chile); prome vice-presidente, Julissa Mantilla Falcón; segundo vice-presidente, Flavia Piovesan, y comisionadonan Margarette May Macaulay y Esmeralda Arosemena. Segun articulo 49 di reglamento di e comision, ademas e secretaria ehecutivo adhunto, Marisol Blanchard.
Awor e file ta den man di Corte Internacional di Derechonan Humano cu lo bay husga estado Boliviano. Pero pa evita esey, e pais mester cumpli cu cuater recomendacion, entre e cual ta un huicio contra e cuater persona responsabel pa e ehecucion extra-hudicial. Por lo tanto, gobierno di Luis Arce lo tin den su man un huicio contra e ex-mandatario y lider di su partido, Evo Morales.
