Bolivia: Oposicion lo bay OEA pa detene candidatura di Evo Morales

Oposicion Boliviano lo busca un accion di Organisacionnan di Estadonan Mericano (OEA), Corte Interamericano di Derechonan Humano (Corte IDH) y Grupo di Lima pa detene e postulacion di e presidente Evo Morales pa su di cuater mandato 2020-2025, e candidato di oposicion Carlos Mesa a anuncia diabierna pasa.

E strategia di opositornan Boliviano ta implica solicita den prome instancia pa e Organisacion di estadonan Americano aplica e Carta Democratico na e pais, pa motibo cu e instrumento ey ‘ta vulnera’ pa locual ta trata ‘independencia y coordinacion di podernan’, Mesa a sigura.

E di dos paso ta e demanda pa e Corte IDH pa interpretacion di Pacto di San Jose, cual ta referi na e derecho di e ciudadanonan pa wordo eligi pa un cargo publico, un argumento cu e oficialismo Boliviano a uza na 2017 pa pidi e husticia pa habilita Morales pa su otro postulacion, aunke un referendum a nenga e posibilidad di un aña prome.

Pa e ex-presidente (2003-2005) y rival principal di Morales, e posicion di Corte ta clave, pa motibo cu e ta kere cu e Grupo di Lima lo por priminti pa actua den e caso di Bolivia, pa e ‘ilegal’ re-postulacion di e mandatario Boliviano, manera a sucede cu e crisis politico di Venezuela.

Ainda ni tin fecha specifico pa e dos accion aki, pero Mesa a señala cu lo haci un trabou coordina entre distinto sector politico y civil di oposicion. E eleccionnan di Bolivia lo tin cita pa e 27 di october.

You May Also Like

Presidente Kuczynski a sobrevivi destitucion den parlamento

Presidente Pedro Pablo Kuczynski di Peru a sobrevivi un votacion pa destitucion diahuebs anochi, ...

Kico ta y ken ta integra e milicia Bolivariano di Venezuela

Despues di varios yamada sin exito pa haci un formacion, e sargento cu ta ...

Cuba: Sclavitud y trafico di hende tras di fraude grandi di medico Cubano

Durante decadanan, e ilusion desde La Habana a laga kere cu profesionalismo di mediconan ...

Studiante Venezolano a muri durante protesta contra Maduro

Un studiante di 19 aña a muri diamars marduga na Valencia, despues cu el ...

Mexicanonan mas insigur cu antes den nan mes ciudad

Mexicanonan ta sinti nan mes mas insigur den nan mes ciudad cu antes. E ...

Jamaloodin no kier bin Corsou si e ta wordo trata manera ‘El Chapo’

WILLEMSTAD – Recientemente Jorge Jamaloodin den un caso unda e mester a scucha resultado ...