E isla chikito Caribense, Bonaire su federacion di futbol a reta FIFA na e corte mas halto di deporte diaranson, buscando miembresia di e cuerpo gobernante mundial.
E Corte di Arbitrahe pa Sport (CAS) a bisa cu a tene un audiencia via video-conferencia pa Bonaire apela contra decision di FIFA september ultimo pa rechasa su aplicacion di miembresia.
E corte no a pone un fecha pa e veredicto.
Victoria den e apelacion lo pone Bonaire na caminda pa converti den e di 212 miembro di e federacion, cual lo dun’e acceso na fondonan di $6 miyon distribui durante cada periodo di cuatro aña di Cup Mundial. Federacionnan mas chikito por ricibi $1 miyon adicional pa gastonan di biahe y ekipo.
FIFA a nenga di comenta riba e caso andando.
Bonaire, cu poblacion di 20mil persona, tabata parti di Antia Hulandes cu a disolve 10 aña pasa. Awo e ta formalmente un parti di Hulanda, cu status di municipalidad. E federacion di futbol di e isla a join confederacion regional CONCACAF na 2013, cual ta cumpli cu un di e rekisitonan pa aplica pa miembresia di FIFA.
Sinembargo, statutonan legal di FIFA tambe ta bisa cu solamente un cuerpo di futbol ‘responsabel pa organisa y supervisa futbol den tur forma na su pais por bira un asociacion miembro’.
Federacion di futbol Hulandes a promove e desaroyo di futbol na Bonaire cu FIFA.
Team nacional di Bonaire ta hunga den competencia Nations League di CONCACAF, y a keda na segundo luga tras di Bahamas den e grupo di tres team aña pasa. A hunga weganan na cas na Corsou.
Corsou y Aruba ta miembronan di FIFA. Nan ta programa pa cuminsa nan weganan di clasificacion pa Mundial 2022 na maart proximo.
E miembronan mas recien di FIFA, Kosovo y Gibraltar, a join na 2016. Gibraltar a gana miembresia di confederacion Europeo UEFA y FIFA solamente despues di hiba caso legal na CAS.
