Bonaire Human Rights Organization y su seccion “Hobennan pa Derecho Humano Bonaire”

Hunto cu Global Entrepeneurship Week ke yama danki na tur hende pa e asistencia halto y e tremendo ambiente na e di dos edicion di nos seri di sine: ‘Conscientisa y empodera.

Global Entrepeneur Week ke inclui tur hende, pa asina siña comunidad cu compartimento di conocemento ta yuda tur hende bay dilanti. Nos ke encurasha empresarionan y pueblo en general pa comparti sabiduria y pa busca oportunidad caminda tin un buraco den local comunidad por ofrece. Cada desafio por bira un oportunidad!

Locual cu NKBB tin como meta, pa siña hoben tocante di nan derechonan basico, ta tremendo. Hopi no sa mes kico nan derecho ta. Si tin un hende cu ke yuda e hobennan cu e parti ey nos ta gara e hende ey cu man y pia. Nos ta sostene e nochi di sine aki specialmente paso esaki ta un pelicula traha na ex-Antias, cu ta mustra hobennan cu nos ke y nos por ta creativo.

Nos a habri e anochi cu un otro poema profundo di Sydney Marten cu a encurasha oyentenan pa para firme den cara di oposicion, pa sigui kere den bo meta hasta si bo ta e unico cu ta kere den bo meta y pa pensa critico di locual nos ta encontra diario.

A contrario di e prome anochi, nos a scoge pa un pelicula local y independiente pa e di dos anochi. E pelicula produci na Corsou, yama ‘Buladó’, ta conta e storia pensivo y emocional di un hoben cu ta lamentando su mama cu nunca e no a haya chens di conoce. E hoben, Kenza, buscando un manera pa deal cu e ausencia di su mama, ta hañ’é mei mei di su tata cu ta un homber serio cu pensamento moderno y su welo cu ta buscando e mundo spiritual di su ansestronan. E pelicula ta mustra con Kenza ta cana e liña fini entre e dos figuranan aki den su bida. Combina cu imagennan bunita di nos isla hermana Corsou, e pelicula aki a tuma tur hende presente riba un biahe di un ora y mei.

BHRO un biaha mas ta contento cu e resultado di e movie night. Mes cos cu biaha pasa, un gran cantidad di hende cu a pasa banda di e evenemento a cay sinta den a parke rondo di e pantaya, pa asin’ei tambe por a gosa di e pelicula. E seri di sine ‘Conscientisa y empoderá’ lo sigui 4 di december cu un otro pelicula positivo, poderoso y consciente, cua nos lo anuncia pronto.