Den edicion di Bon Dia Aruba di dia 1 di april, tabatin algun noticia cu tabata ‘fake news’, y awe nos lo revela cua ta e articulonan en cuestion.
Na prome luga nos tin “The Walt Disney Company den negociacion pa un parke na Aruba”, y aunke HTC no a haya rason ainda, porta den futuro si!
Siguiente, “Stichting Monumentenfonds cu proyecto nobo den conmemoracion di 50 aña di Status Aparte” y “U.S. Southern Command ta confirma cu a detecta UAP den shelo di islanan ABC” tabata fake news, pa awo…
Y por ultimo, “Artista Joseph Marr lo trece un di su esculturanan famoso na Aruba” tambe tabata fake news, aunke un exhibicion di arte cu bo por come ta zona bunita y delicioso!
