Awe mainta un boto cu 19 abordo a bolter y a resulta cu e casa di e capitan a hoga. Un baby abordo tabata den un situacion critico.
Esaki a sosode na costa pazuid den area di Barcadera pa Bucuti. Nan a wordo confronta cu problema ora un boto a pasa banda di nan basta duro. Como consecuencia cu ola a cuminsa dal den e boto y a pone bolter cu tur hende abordo.
Tabatin varios herido, algun nan por a trata na sitio, otronan a wordo transporta pa hospital. Despues cu e baby a yega hospital, el a cuminsa reaciona pero e ta keda interna. Un otro dama tambe mester keda den hospital.
(potretnan cortesia di Aruba Native)
