Brasil: Dos ex- alumno a realisa un matanza na un scol publico di Sao Paulo

Brasil ta custumbra desde hopi tempo pasa na matansa vincula cu delincuencia, pero di ni un manera na masacre na scolnan manera loke a sucede ayera, diaranson, na un scol publico di Suzano, den e zona metropolitano di Sao Paulo.

Dos ex- alumno, un adolescente di 17 aña y un hoben di 25 aña, a drenta cu arma na un scol den oranan di mainta, y a mata ocho persona, entre nan cinco alumno. Segun polis, ambos a mata su mes den e centro educativo.

E atacadonan, ambos cu cara tapa, a sembra teror den e aula di e scol estatal Professor Raúl Brasil cu un arma di candela revolver 38, un ballesta, un arco, flecha y artefacto cu ta parce explosivo, segun e coronel Marcelo Salle a informa. Entre e personanan fayecido tambe tabata e coordinador pedagogico y otro empleado. Antes di comete e crimen contra e studiantenan y e profesor di su antiguo scol, e pareha a horta y mata un comerciante. Te e momentonan aki, ta desconoce e motibo di e suceso.

Despues di sembra e teror entre e studiantenan di e scol, e dos agresor a dirigi pa e centro di idioma di e scol. Pero nan no a continua cu e masacre, pa motibo cu e studiantenan y profesor a cera e portanan y nan no a laga drenta, pa nan lo sigui cu su plan. Ambos a mata su mes na e gang, segun vocero di polis y e gobernador di Sao Paulo, João Doria, a sigura.

 

You May Also Like

Despues di 4 luna Puerto Rico na 72,6% di energia electrico restaura

E director ehecutivo di e Autoridad di Energia Electrico (AEE)  di Puerto Rico, Justo ...

Venezuela: Sin coriente, transporte, awa, placa y solucion

E productonan mas busca den e dianan aki na Venezuela ta jerrycan, bela y ...

Dudanan ta circula cripto moneda Venezolano Petro

Segun fuente You, Me, and BTC, e whitepaper tras di e moneda criptografico Petro ...

A Rechasa medida hudicial den caso di funcionario di Bolivia

Corte supremo di husticia di Chile a rechasa e medida di amparo cu e ...

Haiti: Cinco ciudadano Mericano entre persona aresta

Departamento di Estado Mericano a informa cu nan tin entendi cu tin un cierto ...

Brasil a lansa su mayor operativo contra corupcion di polis den historia

Diahuebs polis di Brasil a cuminsa cu un  operacion,  pa detene mas di 200 ...