(AP) — Ex-presidente Brasileño, Jair Bolsonaro riba diamars a cuminsa su sentencia di 27 aña den prison pa lidera un intento di golpi di estado, sorprendiendo hopi na e nacion Sur Americano cu a duda cu e lo sinta den un cel.
Hues di Corte Supremo, Alexandre de Moraes, kende a supervisa e caso, a duna veredicto cu Bolsonaro ta bay keda den custodia despues di a keda aresta diasabra.
Sostenedor y detractor di e lider a reuni pafo di e sede di polis federal despues cu a emiti e orden, algun yamando pa libertad di Bolsonaro y otronan celebrando su detencion.
E lider derechista tabata bao aresto domiciliario desde augustus, y a keda deteni diasabra despues di purba kibra su monitor di enkel. Bolsonaro a culpa “halucinacion,” algo cu De Moraes a rechasa den su orden di aresto.
Bolsonaro no ta bay tin ningun contacto cu e tiki otro detenido na e sede di polis federal. Su cel di 12 meter cuadra tin un cama, baño priva, airco, TV y un lessenaar, segun polis federal. E ta bay tin acceso liber na su dokter y abogadonan, pero otronan lo mester di aprobacion di Corte Supremo pa bishita.
Diamars, De Moraes a determina cu defensa di Bolsonaro ya a haci tur posible apelacion di su condena. Su abogadonan no ta di acuerdo y a priminti di sigui haci solicitud pa aresto domiciliario pa motibo di e salud pober di e ex-lider.
De Moraes ya a duna veredicto contra esaki, pero e decision por cambia si circunstancianan cambia. “No tin posibilidad legal di ningun otro apelacion,” De Moraes a bisa di su decision.
