E corant Folha de Sao Paulo a publica diadomingo pasa mensahenan priva nobo di miembro di e operacion Lava Jato, cu ta sugeri cu fiscalnan a actua pa evita tension entre ex-Hues y e Minister di Husticia actual di Brasil, Sergio Moro, y Corte Supremo lo paralisa e investigacion.

Folha y The Intercept Brasil, cu tabatin acceso na e combersacion manteni pa añanan entre Fiscal y Huesnan, a anuncia un asociacion pa verifica y publica un serie di reportahe riba e contenido di e mensahenan aki, cu a causa e duda di e imparcialidad di Lava Jato, y cu a hiba na prizon e ex-Presidente Lula da Silva (2003-2010).

Di acuerdo cu Folha, e dialogo ta indica cu tanto e Fiscalnan como e Minister di Husticia actual tabatin miedo cu e Magistrado di e Tribunal Supremo Federal na e momento ey, Teori Zavascki, kende a muri den un accidente aereo na 2017, lo reparti investigacionnan bao control di Moro na Curitiba, na un momento cu nan a considera como ‘critico’, ya cu e investigacionnan di e corupcion di Odebrecht tabata avansa masha lihe.

“E invasion criminal di telefonnan mobil di autoridadnan publico ta obheto di investigacion di parti di Polis Federal”, e ministerio di Husticia a afirma. Asina mes, dilanti di Senado, Moro a denuncia diaranson pasa cu ta existi un ‘grupo criminal’ cu lo pretende di ‘ataca’ e ‘institucionnan’ y mas ainda, lucha contra e corupcion cu el a crea como Hues.

E medio The Intercept Brasil, dirigi pa e periodista Mericano Glenn Greenwald, pa ken e ex-analista di CIA, Edward Snowden a revela e programa di spionahe di Agencia di Siguridad Nacional (NSA), a informa siman pasa cu lo publica un serie di reportahe tocante e combersacion cu agentenan publico y Huesnan a mantene durante añanan.

 

 

LEAVE A REPLY

Please enter your comment!
Please enter your name here