Grupo Sur Koreano, BTS tabata e lider ganando cuatro premio, incluyendo miho cantica cu ‘Dynamite’ y miho grupo na e MTV Europe Music Awards diadomingo anochi, mientras Lady Gaga a bay cu premio pa miho artista.

BTS tambe a bay cu premio pa miho fanaticonan y miho presentacion virtual en bibo pa Bang Bang Con.

E show honrando lo miho den musica global a transmiti diadomingo riba e red cu presentacionnan di Alicia Keys, Sam Smith, Doja Cat y DaBaby. E grupo femenino Little Mix tabata anfitrion.

Gaga, kende a yega e evento cu e mayor cantidad di nominacion, a derota Harry Styles, Justin Bieber, Dua Lipa, Miley Cyrus y The Weeknd pa e premio miho artista. El a perde pa miho video, sinembargo, cual a bay na DJ Khaled pa ‘Popstar’. E colaboracion cu Drake a gana contra Cardi B y Megan Thee Stallion pa ‘WAP’.

Toch Cardi B a bay cu e premio pa miho hip hop. Coldplay a gana miho rock, Haley Williams a gana miho alternativo, y Little Mix a gana miho pop. Y e miho premio Latino a bay pa Karol G, kende tambe a gana miho colaboracion pa ‘Tusa’ cu Nicki Minaj.

David Guetta, kende a gana miho electronica, tambe a presenta na e show for di un escenario na Budapest. Cantautor YUNGBLUD a gana miho push, y Doja Cat a gana miho artista nobo.

Pa tercer aña, MTV EMA a entrega un premio ‘cambio di generacion’, e biaha aki na cinco muhe luchando pa husticia racial y social rond mundo: Kiki Mordi, Temi Mwale, Catherhea Potjanaporn, Luiza Brasil y Raquel Willis.

Eddie van Halen, kende a fayece luna pasa, tambe a ser recorda den un tributo cu participacion di Tom Morello y St. Vincent.

 

LEAVE A REPLY

Please enter your comment!
Please enter your name here