Un studiante na un scol secundario na Sur di California a saca un arma di su tas y tira otro studiantenan, lagando tres herida prome cu el a dicidi di tira su mes den cabes riba su hacimento di 16 aña, segun autoridadnan.

E tiramento a pasa 7:30 am na Saugus High School na ciudad di Santa Clarita, 48 km di nort di downtown di Los Angeles. Henry Mayo Newhall Hospital a informa cu un pashent hende muhe a fayece y otro dos hende homber ta den condicion critico.

No ta cla si tin mas persona herida, pero segun rapport tin 6 persona. Vocero di Cas Blanco, Judd Deere a bisa cu Presidente Donald Trump ta monitor e rapport di Polis. Saugus High School y otro scol den area a keda cera. Studiante Sharon Orelana Cordova a bisa KNBC- TV cu el a sconde bou di mesa te ora cu oficial a pasa buske. “Ora mi a sali mi a wak un persona riba vloer cu sanger tur caminda”, el a bisa.

Rosie Rodriguez, otro studiante, tabata cana den biblioteca ora cu el a tende zonido manera ‘kibra blaas’ ora cu el a wak studiante core, el a ripara cu tabata tiramento. Cu buki den tas, el a core bay na un cas, na persona cu no e no conoce e duna e hunto cu 10 studiante shelter.

Durante mas cu un ora, studiante incluyendo Rodriguez a yama nan famia y amigo. “Mi a tende hopi mucha ta grita. Nan tabatin miedo. Riba un dia normal, nunca nos a spera e cos ki por a pasa na nos scol”, el a expresa cu Saugus High School tabata sinti sigur.

 

LEAVE A REPLY

Please enter your comment!
Please enter your name here