Camara di Comercio lo bin cu hacker profesional pa papia riba cyber security

Hacker profesional orado business event Br.jpg

Camara di Comercio y Industria Aruba (KvK) lo bin cu un hacker como su orado principal di su Aruba Chamber Business Event 2016.

Secretario Ehecutivo di KvK, Sra. Sonia  Veldhuizen a bisa na prensa cu e  tema di e evento, esta “Ctrl-Alt-Delete: Challenge today’s Cyber Security thinking” cu ta inclui un demostracion di hacking. Y esun cu ta bay hacie  ta  e Hulandes,  Rickey Gevers, kende ta un hacker profesional.

 

Na aña 2005 durante cu Gevers tabata un studiante, el a hack den un server di University of Michigan, caminda cu FBI a informa autoridadnan Hulandes pa asina aresta Gevers pa e acto aki. Pa su acto el a bay cera pa 3 siman den prizon na Hulanda. Esaki a forma tambe e base di su carera como cyber crime expert.

 

Pero aworaki, Gevers ta un orador renombra den e mundo di Cyber Security. E ta Chief Intelligence Officer den e departamento Computer & Network Security di e compania Hulandes RedSocks. Den pasado el a traha como un ethical hacker  cu a yuda den diferente casonan di crimen cibernetico internacional.

 

Evento

 

P’esey e aña aki, Aruba Chamber Business Event 2016 cu lo tuma luga 20 di october 2016 di 7:00 pm te cu 11:30 pm (dress code ta ‘Business Elegant’) na Marriott Grand Ballroom, lo enfoca riba con pa evita atakenan cibernetico den sistema di bo negoshi. Caribbean Mercantile Bank ta patrocinado di e evento aki cu lo bira un biaha mas un evento grandi, caminda e importancia, desaroyonan y aspectonan vulnerabel di Cyber Security lo wordo presenta.

 

E enfasis riba Cyber Security ta importante pa KvK mirando cu e-business ta birando cada dia di mas importancia pa comercio local. KvK ta den proceso di implementa un sistema di registro moderno y e proteccion di e informacion di e cliente ta esencial. Esaki ta inclui tambe e aspecto di pago online cu ta forma parti di un plataforma di e-business proteha contra hackers y posibel fraude.

 

Workshop

 

Secretario Ehecutivo di KvK, Sra. Sonia  Veldhuizen a bisa cu nan lo presenta hunto cu e Business Event un workshop caminda Sr. Gevers lo cubri diferente topico relata cu cyber security. E workshop lo tuma luga diabierna 21 di october den e auditorium di KvK di 10:00 am pa 2:00 pm. No perde e workshop aki caminda lo examina e mundo di Cyber Security, debilidadnan y obstaculonan cu un compania por encontra cu ne y con pa e datonan di e compania por keda proteha di atakenan di hackers.

 

E lo duna tips cu por yuda esnan menos tecnico y tambe un guia pa por tin esaki den control. Esaki tambe lo ta un oportunidad pa haci pregunta na Sr. Gevers y trece dilanti bo preocupacionnan y haya contesta con pa proteha bo compania y su datonan.

 

 

E evento aki lo inclui un discurso di presidente di KvK, kende lo elabora riba e situacion economico di nos pais. Pero alabes e ta un bon oportunidad pa crea y fortalece e lasonan cu otro comerciante presente den un atmosfera ameno y bon acompaña cu diferente aperitivo, bebida y bon entretenimento musical di Buleria. Despues di e parti oficial, participantenan ta haya e oportunidad amplio pa por intercambia pensamento y ideanan durante un ‘networking reception’. Tickets pa e Business Event 2016 ta disponibel na KvK.

 

You May Also Like

Lo bin cu experto di afo pa haci investigacion riguroso riba derame di diesel na hospital

Ayera empleadonan y pashentnan di Hospital Horacio Oduber a pasa den un susto grandi ...

Caso Ibis: Paul Croes rabia cu OM, casa tambe ta sospechoso

‘Desapunta den y rabia’ cu e proceso di Ministerio Publico (OM) contra dje. Ex- ...

IMG-20161024-WA0002.jpg

Avioneta clandestino a baha di sorpresa; No tin herido

Un avioneta yegando desde Haiti pa Aruba a aterisa cu emergencia na Aeropuerto Reina Beatrix ...

Preveni abuso sexual di mucha ta responsabilidad di nos tur

ORANJESTAD – Kico por haci ora ripara of haya sa ora un mucha, hoben ...

23feb, JM, AAA (1).jpg

Aeropuerto di Aruba a gana “Americas Routes Marketing Awards”

“Nos ta masha orguyoso mes di anuncia cu atrobe Aeropuerto Internacional Reina Beatrix di ...

Denuncia bisiña supermarket yanana Br 4 (1).JPG

Dunamento di tur sorto di permiso pa negoshinan den bario residencial a bira un free for all

– Habitantenan di Yanana a dicidi di vocifera nan disgusto publicamente, despues cu nan ...