(Curacao.nu)– Camille Sabina Thomas di 26 aña a keda corona como Miss Universe Curaçao 2025 diasabra anochi. Durante e eleccion na Sandals Resort, e corona a ser entrega pa e Miss Universo 2024 mundial, e Danes Victoria Kjaer-Theilvig.
Entre e expertonan, Camille Thomas ya tabata ser considera e faborito di antemano. E lo representa Corsou dia 21 di november di e aña aki durante e eleccion mundial di Miss Universo na Tailandia. Samiah Booi (26) a sali na di dos lugar, Gillian Bentoera (27) a caba na di tres lugar.
Segun e website di Miss Universe Curacao, Thomas a ricibi entrenamento militar na Merca y tambe a yega di haci teatro.
E certamen na e luhoso Sandals Royal Resort na Santa Barbara a keda transmiti en bibo riba TV Direct y a conta cu presencia di politico, ex reinanan di beyesa, fanatico, amigo y famia y hopi cara conoci di e ‘farandula’ di Corsou.
