Camilo ta den un gira unda cu e ta arazando cu su musica. Sinembargo no ta solamente e ta disfrutando di su gira pero e ta hasi posibel laga momentonan inolvidabel pa su fans nan. Na su consierto na Gran Canaria na momento cu e tabatin un bunita y inolvidabel tempo pa un hoben fan di su cancionnan cu tabata yora di a wak e ta canta.
Den e prome fila riba lomba di su mama un hoben fan di Camilo tabata yora door di emocion di ta solamente un paar di metro di e famoso cantante. Na momento cu e cantante a tuma nota di esaki na momento cu e la caba di canta e la para e consierto un rato pa asina e baha den e publico pa asina acerca e hoben y por a dune un brasa y por a comparti algun palabra cu ne.
E artista mes a biba un momento conmovedor cu e fan hoben y e artista a comparti esaki tambe riba su rednan social cu e cancion “Vida de Rico” unda cu e la duna di conoce tambe cu e consierto specifico ey tabata un di su faboritonan tambe. E aritista a gradici tur hende cu tabata presenta den su consierto pero alabes e la bisa danki na e fan hoben pa tanto amor y cu su lagrimanan lo e bay cu nan. E video cu e ser poni y ilustra e cariño cu e artista a duna na su publico y specialmente na e fan hoben aki a haya miles di like riba instagram y tambe unda cu amigonan y conosiernan a comenta cu e gesto aki tabata uno hopi bunita di e artista.
