(AFP) – Candela impulsa pa biento a guli casnan cu balor di multi miyon dollar na sur di Los Angeles diabierna mientras un candela a rapidamente guli gran cantidad di tereno.
Imagennan dramatico a mustra casnan ta kima rapidamente y huma diki ta sali for di e seronan yen di mata, unda e candela cu rapidamente ta plama ta impulsa pa bientonan fuerte di Santa aña, e humedad abao y temperaturanan cu ta irasonabelmente halto.
Orange County Fire Authority a bisa riba X cu e asina candela asina yama Norte a bay cu 188 hectar y por lo menos 4 cas cu a keda impacta den e municipalidad San Juan Capistrano.
E agencia a bisa cu bomberonan tabata “agresivamente atacando e candela for di tera y shelo” y a publica peticion ripiti pa hende keda leu di e area aki.
E candela cu tabata move rapidamente a causa orden di evacuacion amplio mientras varios helicopter a busca paga e candela. Oficialnan a adverti di mal calidad di aire pa residentenan cerca.
National WEather Service a adverti di un “riesgo halto di candela grandi y crecemento rapido di candela” specialmente riba Los Angeles y Ventura, ademas di e montana y seronan di San Luos Obispo y Santa Barbara.
Bomberonan cu tambe tabata druk ta lucha contra e candela na Bryson, cual a surgi durante anochp afo di e comunidad na Malibu. Desde diabierna atardi esaki tabata 17% conteni, segun e estado su agencia Cal Fire.
Marine Corps Base Camp Pendleton tabata impacta pa Henderson Fire, cual a causa ceramento di caya y a kima gran cantidad pa diabierna, segun Cal Fire.
Dies miles di cliente na Los Angeles so tabata sin coriente, mientras autoridadnan a kita energia for di rednan di electricidad pa purba baha e posibilidad di incendio electrico, causa pa e candela cu e biento por carga.
