21 mucha y 2 adulto a perde nan bida den un candela cu a sosode na un scol den capital di Malaysia, Kuala Lumpur, ayera diahuebs mainta. Segun testigonan cu a wordo lanta door di gritonan biniendo di paden di e edificio, unda aparentemente tabata tin muchanan pega cu no por a sali for di ningun caminda. E victimanan tabata entre edadnan di 13 y 17. Investigacion ta andando pa determina kico por a causa e candela.
“Mi a mira algun mucha ta skop e barera di metal na e bentana, pero nan no por a sali. Ami cu mi amigonan a purba di yuda pero nos no por a drenta,” testigo ta bisa CNN.
Ora cu e prome team di rescate a yega, ya caba 90% di e edificio tabata na candela. Cuater otro persona a sufri di heridanan serio. E edificio tin baranan di metal poni na e bentana cual bo no por habri di paden. Solamente cinco studiante a logra scapa door di porta y busca yudansa di bombero. E permiso di e scol tabata den proceso pa wordo revisa segun autoridadnan, pues e scol aki no mester ta den operacion na prome luga. E edificio tabata nobo anto tabata wordo uza manera un scol religioso, specialisando den estudionan di Quran.
