(AP) – Votadornan Britanico ta enfrenta 13 candidato den un eleccion special pa un asiento den parlamento. Un candidato independiente, Andrew Gray, a usa inteligencia artificial pa crea promesanan den su campana cu e ta priminti ta refleha loke e residentenan kier.
Gray, ken ta bisa e no tin politicanan di su mes, a usa sentimentonan saca for di gruponan di hende y a usa sisetma di inteligencia artificial pa crea su propio manifesto politico. E ta yama e tecnologia un manera mas lihe y husto pa politiconan refleha puntonan di bista di e personanan cu nan ta representa.
“Di e manera aki nos por interactua cu nos constituyentenan den un manera completamente nobo,” Gray a splica. “e no ta cambia necesariamente e rol di e representante. Esaki ta solamente nifica cu nos sa kico ta pasando hopi mas lihe y nos por representa esaki na un manera mas husto.”
Nigel Adams su retiro repentino ta loke a causa e eleccion parlamentario den Selby y Ainsty, un districto na England. Ta premira cu esaki lo bira un bataya entre e conservativonan den mando y e partido di labor den oposicion cu e democratanan liberal cu ta subiendo den popularidad. Tin un cantidad di partidonan mas chikito y candidatonan independiente cu tambe lo ta den e eleccion aki.
