Canibalismo narco: sicario Mexicano ta cushina cuminda tipico cu carne di nan victima

Testimonio di sicario di cartel di Jalisco Nueva Generacion y cartel “Los Zetas”, ta laga cla e consumo di carni di humano como un practica comun, ora cu nan ta integra  algun miembro nobo den e cartel  y pa algun otro fiesta di nan organisacion.

Sicario di tur dos cartel a conta e historia tocante e manera cu nan ta mata nan victimanan, y e procedura cu nan ta usa. Nan a sigura cu e prome paso ta kibra nan victima na pida, anto algun biaha nan no ta kima e curpa, ni ta tira esaki den un buraco clandestino, sino cu nan por dicidi tambe, pa warda e curpa y traha cuminda cu carni humano den preparacion di plato tipico Mexicano. Dia 21 di juni, polis a detene 12 miembro di un celula di cartel di Jalisco Nueva Generacion, pa nan vinculo den un asesinato di  5 persona, den cual tres delincuente a kibra cabes di nan victiman.

Detenidonan a declara cu ora cu nan a drenta den e cartel, nan a ser obliga di come carni  humano. Dos di e personanan cu a keda deteni ta menor di edad. Fernando Valenzuela Pernas, hefe di Fiscalia General di Tabasco (FGE), a confirma e testimonio di e hobennan cu ta deteni. El a bisa cu detenidonan a splica cu e carni tabata di un homber cu a ser haya na El Cedro, municipio di Nacajuca. E curpa  a ser haya sin brasa ni pia. E mucha menor di edad, tin 16 y 17 aña y nan a splica cu despues cu nan a tortura e homber victima, nan a corta su curpa na pida  y  despues nan a warda tur pida den un frigidaire, caminda prome nan a tuma e brasanan y despues otro extremidad di e curpa. Juan Martín Pérez, director di Red di Derecho di Infancia (Redim), un organisacion cu ta traha cu mucha y adolescente cu a ser rescata for di organisacion narco a splica cu te awor ningun mucha cu tabata sicario y cu ta den e organisacion ey, a duna un testimonio similar na e historia aki.

El a bisa tocante ritual di iniciacion cu e “sa di varios experiencia na diferente region di e pais, pero cu nan no a logra registra ningun testimonio ainda, pa motibo di e riesgo cu e adolescente por sufri. Nos no tin informacion y te awor den ningun testimonio a papia cu nos riba e caso aki.” “Mi tabata den un reunion, caminda despues di duna e sentencia di morto na algun persona, prome di su ehecucion, e hefe ta ordena pa e tuma un bon baño y nan ta ordena nan victima pa kita tur cabey di su curpa, nan ta laga e victima su so pa kita su stress y algun biaha nan ta duna un boter di alcohol pa yuda su relahacion. Despues nan ta ordena pa mat’e di un manera lihe, y asina e victima no lo saca tanto  adrenalina, pa e carni no bira duro ni marga,” Sanchez a splica na  J. Jesús Lemus Barajas, den un declaracion cu a ser publica den su buki  Los malditos. Cronica Negra desde Puente Grande.

Carlos Rodríguez Ulloa, ta experto den topico di seguridad y el a splica cu un practica comun di e cartel di Los Zetas,  tabata pa mata nan victimanan, nan tabata kita nan cabes, y despues tabata pega un cabes di cacho. Despues di haci esey, miembronan di cartel tabata cuminsa pa come nan victima. “Pa mi e mensahe ta cla, y ta cu “nos no tin miedo ni respet pa bida di humano,” pasobra e ta un obheto. Den tur dos caso, e ta pensa cu e practica ta busca elimina e sentido di humanidad di e miembronan, y tambe pa pone un diferencia entre ken ta un sicario y ken ta un delincuente comun. “Desde cu e ta miembro di e grupo y ta cumpli cu ritual manera esaki, e ta sinti poder pasobra no cualkier persona por haci un ritual asina y esey ta e diferencia.”

 

 

You May Also Like

Mexico ta desarticula red di traficacion di hende muhe

(Univision).- Polis federal a haci dos operativo na Toluca y Cuernavaca unda nan a ...

Edificio a explota y a laga 26 herido na Bogota – Colombia

26 persona a keda herida, entre nan cinco menor di edad, despues cu e ...

Insel Corsou ya caba den proceso pa bay failliet

Insel Corsou 6 siman pasa ya caba a cuminsa un procedura pa por declara ...

Venezuela: Parlamentario Zambrano preso na Fuerte Tiuna

Un tribunal cu competencia den caso relaciona cu terorismo a ordena privacion di libertad ...

Grupo di Lima lo discuti e situacion di Venezuela na Canada

E grupo di Lima cu ta integra pa 12 pais di Latinoamerica lo reuni ...

Venezuela: Merca ta pone fecha limite pa transaccion cu Pdvsa

Entidadnan no Mericano cu ta cumpra crudo y producto deriva di e compania petrolero ...