Segun resumen di ayera di Departamento di Salubridad Publico DVG riba e desaroyonan di pandemia di Covid-19, ayera e cantidad di fayecido relaciona cu e malesa causa pa e virus SARS-CoV-2 a aumenta na 151.

E fayecido registra den resumen di ayera tabata un residente di Aruba.

DVG ademas a informa cu segun nan resumen di ayera, 53 persona a recupera, y tambe a registra un total di 20 caso nobo di Covid-19, di cual 3 no ta residente y 17 ta residente. E cifranan aki ta representa un tasa di positividad entre nos residentenan di 18 porciento. E cantidad di casonan activo pa ayera tabata 464.

Datonan di DVG ta ilustra casonan nobo di Covid-19 cu un averahe semanal di 49 caso pa dia y un averahe di tasa di positividad semanal di 21 porciento pa dia.

Actualmente, na Aruba tin 38 persona interna den hospital pa ricibi tratamento pa Covid, di cual 14 ta den Unidad di Cuido Intensivo ICU, mientras cu 24 ta riba piso general. Ademas na Colombia tin 20 pashent di Aruba hospitalisa den ICU.

 

LEAVE A REPLY

Please enter your comment!
Please enter your name here