(NLTimes) – Despues di un periodo relativamente calma, e cantidad di pashent di COVID-19 a aumenta un biaha mas. Hospitalnan actualmente ta tratando 813 persona cu a test positivo pa e virus. Esaki ta e cantidad mas halto desde october 26, cual ta 2 luna atras.
Segun servicio di coordinacion di pashent, exactamente 1 siman atras, 632 persona a ser hospitalisa cu coronavirus. Esaki ta nifica cu den 1 siman, 181 persona a ser interna den e hospital. Ademas, e capacidad total a aumenta cu 111 persona den un solo dia. Sinembargo, LCPS no ta distingui entre personanan interna pa causa di sintomanan di coronavirus y otronan cu a ser interna pa otro problemanan di salud y despues a ser mira cu nan ta infecta.
Tambe hospitalnan a interna 146 pashent nobo di COVID-19 den dianan recien. Den e ultimo 7 dia pa cual tin data disponibel, un averahe di casi 133 persona pa dia a ser hospitalisa pa coronavirus. Esaki ta e averahe pa e fluho desde fin di october. E figuranan aki no ta keda actualisa riba diabierna, diadomingo ni tampoco dianan di fiesta.
En general, e aumento aki den personanan interna ta trata di infeccionnan. No solamente e sitionan pa test di GGD ta mirando mas caso di COVID-19, sino tambe analisis di awa sushi tambe ta mira mas particula di coronavirus compara cu algun siman anterior.
Riba un plataforma special di National Institute of Public Health and Environment (RIVM), mas y mas persona ta reportando un self test di coronavirus positivo. RIVM te ainda no tin un splicacion pa e aumento y te ainda no sa si esaki ta e comienso di un ola di coronavirus nobo cu ta den desaroyo.
