Bisa cu Cardi B a caba di revela su sentimentonan tocante su divorcio lo ta un atenuacion, pasobra el a revela cantidad di sentimento- y frustracionnan riba video.

Cardi a bay riba Instagram Live diabierna pa laga na cla cu e no ta divorciando Offset pa motibo di infidelidad, rumornan di baby pafo di e matrimonio, ni nada asina. E djis a cansa di argumento.

Cardi tabata hopi cla, bisando: “Mi ta okay. Mi kier a laga boso tur sa cu mi no a yora ni un lagrima.” El a yega di bisa den pasado cu el a yora pa reportenan tocante Offset y nan matrimonio, pero no mas. “E biaha aki mi no tabata yora. Bo kier sa pakico? E motibo pa mi divorcio no ta pa niun motibo cu a pasa den pasado. No ta pa motibo di infidelidad. Mi ta mira hende bisando ‘oh, [Offset] tin un baby na caminda’. Esey ta henter un mentira completo. Esey ta segundo biaha cu hende ta purba di pone baby aki.”

Pues, tocante e berdadero motibo pa e divorcio? “Mi a djis cansa di tene argumento. Mi a cansa di no mira cosnan for di mesun punto di bista. Na momento cu bo ta sinti manera cos no ta mescos mas, prome cu berdad bo bira victima di infidelidad, mi ta prefera di djis bay. Nada loco fuera di mundo a pasa, tin biaha hende en berdad djis ta aleha di otro.”

Cardi no a termina asina, agregando: “Mi tabata cu e homber aki cuatro aña, mi tin un yiu cu e homber aki, mi tin un hogar cu e homber aki. Tin biaha bo ta djis cansa di e argumentonan y e tension. Bo ta casa tin biaha, y prome cu algo pasa, bo ta bay.”

E tabata rabia riba reportenan den medionan di comunicacion sugeriendo cu e documentonan di divorcio tabata un movida di PR pa bende album.

LEAVE A REPLY

Please enter your comment!
Please enter your name here