Un di e temporadanan mas colorido y yen di ambiente di nos isla a cuminsa, es ta nos Carnaval 72. Aki ta unda nos bunita cultura ta sali briya, y e gran cantidad di talento cu tin den tur generacion ta tuma centro di atencion.
Durante e ultimo dianan, varios evento a tuma luga en conexion cu Carnaval 72, y entre e eventonan aki a cuminsa cu e varios eleccion di custumber, unda nos ta conoce nos reinanan. E ultimo eleccion a tuma luga y awo Carnaval 72 ta completo cu su Reina Infantil y Reina Grandi!
Awe nos ta comparti e resultado di e eleccionnan.
Pa categoria Infantil
Pay.aw Children Queen a bay pa Amelie Ly-Diane Koolman di Districto di Noord
Best Speech a bay pa Cielo Josenne Lara Benitez di Gucci Dancers Aruba.
E premio pa Best Show a bay pa Amelie Ly-Diane Koolman, ken tambe a bay cu e premio pa Best carnival Dress.
12nd Runner Up a bay pa Alina Wever di TOB Carnival Group cu Cielo Josenne Lara Benitez di Gucci Dancers Aruba ricibiendo e premio pa 1st Runner Up.
E premio titular di Aruba Children Carnival Queen 2026 a bay pa Amelie Ly-Diane Koolman.
Pa categoria di Reina Grandi
Pay.aw Mrs. Carnival a bay pa Ashantee Martus di HEPA Dance Society, ken tambe a haya e premi pa Best Speech.
Best Show a bay pa Gabriela Croes di TOB Carnival Group, ken tambe a bay ricibi e premio pa Best Carnival Dress.
2nd Runner Up a bay pa Mileicha Barry di Dushi Carnival Group, cu Ashantee Martus ricibiendo e premio di 1st Runner Up.
E premio titular di Aruba Carnival Queen 2026 a bay pa Gabriela Croes di TOB Carnival Group.
Pabien masha grandi ta bay na tur ganadora y participante di e eleccionnan aki y awo si, a yega momento di disfruta di nos dushi Carnaval cu tur nos Reinanan!
