Diamars mainta trempan gai cora a canta na Sabana Basora Noord unda un cas di dos piso tabata na candela. Tabata tin basta persona den e cas. Polisnan, ambulance y bomberonan cu urgencia a bay na e sitio. Bomberonan a haya e cas parti ariba na candela y a drenta accion pa combati e candela. Tabatin 8 persona den e cas di cual dos ta mucha bou 3 aña cu a haya kemadura y a keda atendi di biaha pa personal di ambulance. Despues cu bombero a domina e candela OVD y Departamento forensico di cuerpo policial a bay saca potret paden pa haci investigacion con e candela a cuminsa.
