Casi 2,200 persona ta registra pa traha na RdK

(curaçaoChronicle) – Casi 2,200 persona a aplica pa trabaonan na refineria na Corsou. Refineria di Corsou (RdK) y Curaçao Refinery Utilities (CRU) a anuncia esaki den un comunicado di prensa.

RdK a apela na partidonan interesa pa aplica a traves di nan plataforma online, y te awo, a ricibi no menos cu 2,195 respuesta.

RdK y CRU awo ta bay procesa e aplicacionnan y nan ta bay haci un seleccion den proximo luna. Ta bay pidi e aplicantenan aki pa drenta e ‘CRU Vocational School’, unda nan por obtene un diploma reconoci internacionalmente.

Ademas di e registracionnan online, RdK y CRU ta bay move den barionan den futuro cercano pa recluta mas potencial empleadonan.

E plataforma online, IPE.cw ta bay keda habri por lo pronto pa mas aplicantenan.