FILE - This April 12, 2018, file photo shows Britney Spears at the 29th annual GLAAD Media Awards in Beverly Hills, Calif.Disability rights activists and advocates for Britney Spears backed a California proposal Wednesday, Jan. 18, 2022, to provide more protections for those under court-ordered conservatorships, while promoting less-restrictive alternatives. (Photo by Chris Pizzello/Invision/AP, File)

(AP) — Activistanan pa derechonan pa esnan cu discapacidadnan, y defensornan di Britney Spears, a sostene un propuesta diaranson na California pa duna mas proteccion na esnan bao conservatorshipnan obligatorio di corte, mientras ta promove alternativanan menos restrictivo.

Nan movida a yega mientras e caso volatil di Spears un biaha mas a aparece den corte di Los Angeles County. E audiencia pa resolve asuntonan cu a keda atras despues di conservatorship di Spears, cual a termina na november, rapidamente a descende den un serie di acusacionnan rabia entre abogadonan pa Spears y su tata, y e caso ta parce di ta na caminda pa un huicio largo pa determina e berdad di e acusacionnan di mal conducta di e tata, James Spears.

E caso aki ta Exhibit #1 pa gruponan incluyendo Disability Voices United, Disability Rights California, Disability Rights Education y Defense Fund, como tambe Free Britney L.A. kendenan ta bisa cu loke ta conoci como ‘probate conservatorship’ ta ser usa di mas, y mal usa, na California. Principalmente ta involucra persona cu discapacidad di desaroyo of intelectual, of esnan cu problemanan relaciona cu edad manera demencia of Alzheimer’s.

Pero e gruponan defensor ta argumenta cu conservatees manera Spears por keda atrapa den un sistema cu ta retira nan derechonan civil y e habilidad di defende nan mes. Professional Fiduiciary Association di California, cu ta representa cantidad di esnan nombra como conservator, no a comenta inmediatamente, pero a bisa cu respuesta na hopi pregunta tocante e proceso por ser haya riba https://californiaconservatorshipfacts.com.

“Conservatorship mester ta inusual, y e ultimo recurso”, segun Judy Mark, presidente di Disability Voices United, un grupo defensor na Southern California. “E default mester ta cu hende cu discapacidad ta retene nan derecho y ta haya sosten ora nan mester di esaki.”

E gruponan a sostene legislacion di Democrata Brian Maienschein, cu tambe ta bay hacie mas facil pa hende cu kier sali di un conservatorship termina esaki. Na su lugar nan ta promoviendo loke ta conoci como acuerdonan di ‘supported decision-making’ como un alternativa menos restrictivo. Esakinan ta permiti hende cu discapacidad scoge un persona pa yuda nan compronde, haci y comunica nan escogencianan, pero toch ta permiti e persona haci e escogencia.

E opcion aki ya a keda adopta na Alaska, Colorado, Delaware, Illinois, Indiana, Louisiana, Nevada, North Dakota, Rhode Island, Texas, Washington, Wisconsin y Washington, D.C., e defensornan ta bisa.

El a referi na Spears como ‘e conservatee mas famoso na mundo’, pero a bisa cu e ley lo yuda e cantidad di otronan cu no tin ‘e beneficio di fama mundial pa pone luz riba su caso’.

Spears a hala atencion pa e asunto, culminando na november na momento cu un hues na Los Angeles a caba cu su conservatorship cu tabata controla bida y placa di e cantante pop pa casi 14 aña.

Penny a duna orden pa e transferencia final di activonan di Spears back na dje for di conservator di corte, y na november a duna veredicto pa e orden terminando e conservatorship keda seya. El a bisa abogadonan pa bolbe corte na juli, unda e por dicidi pa duna orden pa huicio.

LEAVE A REPLY

Please enter your comment!
Please enter your name here