Oficialnan di salud di Merca a bisa cu mas di 60 caso di sarampi a wordo raporta. Esaki ta hisa e cantidad den cifra pa aña 2019, despues cu tabata abou pa 25 aña largo.
Oficialnan a bisa riba dialuna cu 764 caso a wordo raporta siman pasa diahuebs. E cifra aki ta esun mas halto pa e pais desde 1994, unda cu 963 caso a wordo raporta. Te ainda, e ciudad di New York ta esun cu ta mas afecta e aña aki pa e malesa.
Siman pasa a inclui 41 caso na New York City, y 11 caso cerca di Rockland Country. Mayoria di e caso ta persona cu no tin vacuna den comunidad Hudio Orthodox. Den tur 23 estado di Merca a raporta caso di sarampi.
E ultimo cu a subi e lista di caso ta Pennsylvania. Sarampi tabata comun den tempo di antes, pero a bira algo straño pa pega cune despues di cu campaña di vacuna a cuminsa den aña 1960.
