Awe a tuma luga autopsia riba e victima mortal di e tiramento na Wayaca siman pasa. Mientrastanto, e autopsia a termina y e curpa a wordo duna liber y regresa na su famia. A keda constata cu bida di e victima a yega na su fin na consecuencia di un tiro.Ministerio Publico kier a ripiti e yamado na publico pa sali pa dilanti cu tips pa yuda den e caso aki. Hopi informacion lo keda secreto den e investigacion aki pa awor segun Ministerio Publico, mirando tambe cu e ta ‘daderinformatie’, o sea informacion cu solamente e dader y e victima por sa. Si un hende por sa, wak of tende algo of si un hende por a reconoce e persona di interes riba e video cu polis a publica den fin di siman, yama recherche di Oranjestad na 527 3250 of tipline 11141. E recompensa di 5.000 florin pa e tip di oro tambe ta riba mesa ainda.
