Caso grandi contra famia cu a enrikece nan mes cu pildo di dolor adictivo

Un total di 8 miembro di e famia Mericano Sackler ta wordo teni co-responsabel pa e crisis di mortalidad cu ta bin pa motibo di pildonan di dolor cu ta adictivo. Un grupo grandi de demandante, entrenan estadonan Mericano ta buscando pa haya compensacion pa e daño haci door di e pilder aki.

E famia ta doño di e compania farmaceutico Purdue Pharma, cu ta produci e pilder OxyContin. Den OxyContin tin e componente cu yama oxycodon, cuasante di un gran cantidad di morto na Merca. Un estudio a revela cu pa aña tin mas o menos di 70 mil hende ta muri di overdosis di pilder di dolor, di cual mayoria ta contene oxycodon.

Un vocero di Purdue Pharma ta bisa cu e acusacion aki ta absurdo y cu nan no ta e unico compania cu ta traha e tipo di pilder aki. Sinembargo, e dosier presenta na corte ta mustra cu e famia a enrikese su mes cu alrededor di 4 miljaard di dollar entre 2007 cu 2018. Tambe ta keda demostra cu na 2007 nan a paga un boet di 600 miyon di dollar pa a tapa e berdad di efectonan di e remedi. Mas aleu ta ser demostra cu pa medio di un campaña agresivo di mercadeo, nan a logra di haya dokternan di cas, botica y otro companianan farmaceutico pa suministra e pilder aki na pashentnan. “Nan tur tabata enrikese nan mes cu e producto aki”, un di e demandantenan a declara.

Na Hulanda e uzo di oxycodon a subi enormemente segun e minister di salubridad publico a declara. Na 2018 esaki tabata mey miyon di hende, cual ta 5 biaha mas hopi compara cu na 2008.

Bon Dia Aruba lo investiga con e uzo di esaki ta na Aruba y ki efectonan e lo por a causa te na e momento aki riba no isla.

Potret ta di ANP y nos.nl.

 

You May Also Like

6a42660066640d44c5a9b27e6216944d86f733d9ec91932dd43dfd33e44f0b32_3790591.jpg

Team Venezolano di futbol a wordo atraca na caminda pa cas

Un team di futbol Venezolano a wordo atraca dor di hombernan cara tapa cu ...

turkia.jpg

Atake na Turkia un mucha di 12 – 14 aña

E atake cu a tuma luga diasabra na Turkia a mata 51 persona den ...

Ford, Jaguar Land Rover enfrentando problema den industria automobilistico

FRANKFURT, Alemania (AP) — E biento sacudiendo industria automotriz mundial a wordo sinti na ...

Brussel ta bisa Hulanda y otro paisnan EU pa stop cu dunamento di visa di oro

AMSTERDAM – Recientemente e comision di Europa ta urgiendo Hulanda y 22 otro paisnan ...

33679e7f6b6cda282e2e6258478ca22964477819906c2664f940611dc1ca2c33_3742597.jpg

Accidente fatal entre treinnan na Italia

Alomenos 12 hende a fayece despues cu 2 trein a accidenta contra otro na ...