Ayera, gobierno a informa riba su pagina di Facebook cu a registra 91 caso activo mas di Covid-19, di cual 90 ta residente y 1 no residente. 37 residente mas a recupera di e malesa. A haci un total di 391 test, cu por nota cu e cantidad di test cu ta haci diariamente ta disminuyendo.
Actualmente 22 persona ta interna den hospital. 20 ta den piso general di isolacion, y dos di nan ta den ICU.
Lagando un banda casonan activo y basa riba casonan total, dia 1 di augustus tabatin 121 caso (informacion di e website worldometers.info). Pa ayera dia 20 di augustus Aruba a registra ya 1,387 caso total, loke ta representa un aumento di 1046.2 porciento den ultimo tres siman.
