(AFP) – Corte Tailandes a extende sentencia di prison diamars pa un homber condena pa critica e pais su Rey na 50 aña, un di e castigonan mas largo imponi bao e Reino su ley di insulto na famia real estricto, grupo defensor legal a bisa.
Tailandia su ley ‘lese-majeste’ ta proteha Rey Maha Vajiralongkorn y su famia di critica y ta carga un sentencia maximo di 15 aña pa cada ofensa.
Corte criminal a sentencia Phuritikon Sarakul na 30 aña bao e ey a causa di publicacionnan cu el a haci riba su cuenta di rednan social entre 2021 y 022, abogadonan di Tai Lawyers for Human Rights (THLR) a bisa den un declaracion.
Den december, e homber di 43 aña cu ta biba pafo di Tailandia a ricibi un sentencia den ausencia na 20 aña den prison pa e mesun ofensa a causa di publicacionnan separa riba internet, e grupo defensor a bisa.
E sentencia combina cu un total di 5 decada den prison ta nifica cu el a ricibi un di e sentencia “mas pisa den historia,” TLHR a bisa, referiendo na e ley pa su provision den codigo penal.
Gruponan defensor y criticonan ta bisa cu e ley lese-majeste tin hopi usa pa silencia pa oposicion politico y oposicion civil. Por lo menos 289 persona a keda acusa bao e ley desde 2020, segun THLR.
Den 2024, un bendedor di paña a ricibi sentencia di 50 aña den prison pa motibo cu el a insulta e monarkia riba su cuenta personal di Facebook. Aña pasa, un ex ambtenaar a ricibi un sentencia di 43 aña bao leynan di lese-majeste, pero a keda libera despues di 8 aña ora cu el a ricibi pordon Real.
E muhe, ken a confesa, a comparti audio online di un podcaster cu a critica e monarkia.
E veredicto mas recien a bini dianan despues di un eleccion nacional den cual partido conservativo y pro famia Real a yega un victoria sorprendente, segun resultadonan preliminar.
E version anterior di un partido reformista a campaña cu haci amienda na e ley di insulto Real prome cu e ultimo eleccion den 2023. Sinembargo corte constitucional a dicidi e aña despues cu e promesa aki ta constitui un intento di tumba e monarkia constitucional y a disolve e partido.
E problema tabata ausente di e partido su campaña mas recien y el a keda na di dos luga den diadomingo su eleccion.
